Lingua

Solucións para correción da ficha.

4° SEMANA DE TELETRABALLO

Venres, 17 de abril

Bos días.

Correximos os exercicios 9  e 10 da páxina 121 do libro de texto. (Non fagas caso dos números que pon abaixo, é un erro😉😉)

Escribe os exercicios da ficha que aparece a continuación e resolve na libreta.











Xoves, 16 de abril

TRABALLAMOS NO LIBRO DE TEXTO

Corrixe os exercicios da páxina 121

Continúa facendo o 9 e o 10, con enunciado e despois da data.


Martes, 14 de abril

TRABALLAMOS NO LIBRO DE TEXTO

Benvidos a todos e todas, nesta cuarta semana de teletraballo.

Imos  continuar no libro de texto repasando algúns contidos. Así, situámonos no exercicio 5 da páxina 121 e, despois de ler detidamente,  respondemos por escrito ás  tres  cuestións de debaixo do texto. Ao rematar, continuamos facendo os exercicios 6, 7 e 8.

3° SEMANA DE TELETRABALLO

Venres, 3 de abril

COMPRENSIÓN LECTORA

Corrixe os exercicios de onte.
Actividades de reforzo
1.- Xogadora, raíña, rabaño, terceiro, parasol, ribeira.
Exercicio 5 (páxina 115)
5.- O pirata abriu o cofre. Dentro non había ouro. só atopou un parche, un gorro, un remo e unha carta que dicía: "O mellor tesouro é a amizade".

  Xoves, 2 de abril

TRABALLAMOS NO LIBRO DE TEXTO

Corrixe os exercicios 2, 3 e 4 da páxina 114.

Fai este exercicio, con enunciado. Non te esquezas de poñer a data.

 

Ao rematar continúa co  exercicio 5 da páxina 115.



Mércores, 1 de abril

TRABALLAMOS NO LIBRO DE TEXTO

ORTOGRAFÍA

Abride o libro na páxina 114, lede o cadro da ortografía da letra r.

 Igual que en castelán, o r sempre soa forte ao principio de palabra e se escribe un só  . Lembrade!, isto é importante, xamais veredes dous rr ao principio de palabra, é unha falta de ortografía gravísima. 

Tamén se escribe un r, e soa forte, despois de n,l e s; por exemplo: Israel, enredar, enrolar...

Entre vogais, se soa forte hai que escribir dous rr, e se soa suave un r. Non é o mesmo carro que caro, cambia a pronuncia do r e o significado da palabra.

• Copia o cadro da páxina 114 na libreta. Non esquezas de poñer antes a data arriba. A continuación fai de seguido os exercicios 2, 3 e 4.

Luns, 30 de marzo
 Benqueridos nenos e nenas !!!
Este sábado foi a Reconquista unha festa moi importante para Vigo. Tódolos  anos saímos a rúa para celebrala cos nosos amigos, pero este ano foi moi distinto tivemos que quedar todos na casiña. E para que non vos esquezades do que festexamos ese día en Vigo aquí vos queda o seguinte conto.





Contesta por escrito:

1.    En que ano tivo lugar a Reconquista? Que dous bandos se enfrontaron nela?

2.    Que antepasado dos Bolechas presenciou a invasión dos franceses? A que se dedicaba?

3.    Por que golpeou a avoa Carme a dous soldados franceses?

4.    Como quixo axudar a avoa Carme aos vigueses na loita contra o exército francés? Que fixo no seu lugar?

5.    De quen se namorou a avoa Carme?

6.    Que día se renderon os franceses? Que exército axudou ao pobo vigués a derrotar aos franceses?

7.    Que sobrenome ou alcume lles puxeron a avoa Carmen e ao seu mozo francés?

Por último fai un debuxo do que máis che gustou.

2º SEMANA DE TELETRABALLO

Venres, 27 de marzo

Aclaración.
Á vista do comentario que aparece na páxina, fixemos unha revisión do traballo e, efectivamente, non tendes esa páxina nos libros de galego xa que pertence ao terceiro trimestre. Pedimos perdón e cambiamos o tema do vocabulario polos animais na páxina 126. Entón procedemos a cambiar os exercicios a continuación.

Bos días.

Na páxina 126 do libro de lingua hai uns exercicios de vocabulario que teñen que ver cos animais. Fai, na libreta, ata o exercicio 4 incluído. Copia os enunciados e debuxa a ilustración do exercicio 1 cos números que aparecen para localizar as palabras.

Luns, 24 de marzo

EXPRESIÓN ESCRITA

Esta semana imos  comezar facendo unha pequena composición escrita sobre a primavera. Para isto, debes informarte dos aspectos que vas a tratar para manter un fío condutor. Podes escribir sobre:

• As características da primavera: o tempo de duración,clima, temperatura, comportamento dos animais, cambios na alimentación, no vestiario...
• Semellanzas e diferenzas coas outras estacións ou coa estación anterior.

Ao rematar, ilustraremos a redacción cun bonito e colorido debuxo.

1º SEMANA DE TELETRABALLO

COMPRENSIÓN LECTORA

Ola.

Cando rematedes o conto do grúfalo, lede este texto sobre as Illas Galápagos e respostade ás cuestións que siguen na libreta. Copiade sempre os enunciados, así practicamos a escritura. Lembrade que solo se aprende a escribir, escribindo!

COMPRENSIÓN ORAL

Bos días nenos e nenas.
Aquí vos deixamos un conto para ver, prestade moita atención, xa que despois faremos uns exercicios.

 1.- Fai un resumo breve deste conto.
2.- Cal é o personaxe principal?
3.- Cantos animais saen no conto? Cales?
4.- Escoita ben a descrición que fai de grúfalo. Agora ti pensa nun animal imaxinario e descríbeo, logo fai o debuxo del.
5.- Que ensinanza sacas deste conto?